چیئرمین پاکستان علما کونسل حافظ طاہر اشرفی نے کہا کہ مسئلہ کشمیر کے بغیر بھارت سے مذاکرات ناممکن ہیں۔حافظ طاہر اشرفی نے کہا کہ مسئلہ کشمیر اور فلسطین کے حوالے سے اپنی گزارشات پیش کیں، اسلاموفوبیا کے حوالے سے عالمی فورم پر اپنا موقف پیش کیا، کشمیر کے مسئلے پر سب نے سعودی عرب کا مقف دیکھ لیا، بھارت سے مذاکرات کشمیر کے راستے سے ہوں گے، پاکستان کسی بھی معاملے میں تنہا نہیں ہے، کشمیر پر سعودی عرب اور او آئی سی کا وہی موقف ہے جو ہمارا ہے۔طاہر اشرفی نے مزید کہا توہین رسالت اور قرآن کریم کی بے حرمتی کسی صورت قبول نہیں، ہم تمام الہامی کتابوں کی عزت و تکریم کرتے ہیں، اس وقت دنیا میں سب سے اہم معاملہ اسلاموفوبیا کا ہے، ایک بار پھر یورپی ملک میں سفارتخانوں کے باہر قرآن پاک کی بے حرمتی کی گئی۔حافظ طاہر اشرفی نے کہا فلسطین کے معاملے پر پاکستان اور سعودی عرب کے مقف میں کوئی لچک نہیں ہے، پاکستان کے اصولی موقف سے کوئی پیچھے نہیں ہٹ سکتا، سیرت النبیؓ کانفرنس منعقد کرارہے ہیں۔
مسئلہ کشمیر کے بغیر بھارت سے مذاکرات ناممکن ہیں، طاہر اشرفی
