مثالی گائوں منصوبہ میں عوامی ضروریات مدنظر رکھی جائیں گی: مریم نواز

وزیراعلی پنجاب مریم نواز شریف نے کہا ہے کہ مثالی گاں منصوبہ میں عوامی ضروریات مدنظر رکھ کر ترجیحات کا تعین کیا جائے گا۔وزیراعلی کی زیر صدارت خصوصی اجلاس ہوا جس میں مثالی گاں، ستھرا پنجاب اور ویسٹ ٹو ویلیو پراجیکٹس پر بریفنگ دی گئی، وزیراعلی نے مثالی گاں پراجیکٹ کی جلد از جلد تکمیل کے لیے ڈیڈ لائن طلب کرلی۔پنجاب میں 1200 دیہات مثالی گاں بنانے کے پراجیکٹ پر پیش رفت کا جائزہ لیا گیا، ہر مثالی گاں میں 24/7 واٹر سپلائی، مکمل سیوریج نیٹ ورک اور ویسٹ مینجمنٹ ٹریٹمنٹ پلانٹ بنیں گے۔پنجاب کے مثالی گاں میں پختہ گلیاں، سڑکوں کی بحالی، چلڈرن پارک اور شجرکاری بھی ہوگی، مثالی گاں میں گھروں پر نمبر لگائے جائیں گے اور سائن بورڈ بھی نصب ہوں گے۔اجلاس میں مثالی گاں کے لیے سولر سسٹم سے چلنے والے واٹر سپلائی ماڈل اور سیوریج سسٹم پر بریفنگ دی گئی، مثالی گاں پراجیکٹ کے تحت پائلٹ فیز کے 130 دیہات میں ترقیاتی منصوبے مکمل کر لیے گئے۔مریم نوازشریف نے کہا کہ مثالی گاں پراجیکٹ میں عوام کی ضروریات کو مدنظر رکھ کر ترجیحات کا تعین کیا جائے گا، مثالی گاں کے تحت ہر گاں کو مکمل طور پر ڈویلپ کیا جائے گا۔