سیلاب میں مدد پر پاک فوج اور حکومت کے شکر گزار ہیں، بیرسٹر گوہر

پشاور(آئی این پی )چیئرمین پی ٹی آئی بیرسٹر گوہر نے کہا ہے کہ خیبرپختونخوا حالیہ سیلاب سے بری طرح متاثر ہوا ہے اور متعدد علاقے تاحال مشکلات کا شکار ہیں، مدد پر پاکک فوج اور حکومت کے شکر گزار ہیں۔ایک انٹرویو میں بیرسٹر گوہر نے کہا ہے کہ پاک فوج، صوبائی اور وفاقی حکومت نے متاثرین کی مدد کے لیے بہترین کام کیا ہے اور ہم ان کے شکر گزار ہیں، تاہم عوام کی مشکلات اتنی زیادہ ہیں کہ مزید امدادی اقدامات کی ضرورت ہے۔بیرسٹر گوہر نے بتایا کہ بونیر میں 100 سے زائد افراد اب بھی لاپتہ ہیں جبکہ وہاں آباد اقلیتی برادری کے گھروں کو بھی شدید نقصان پہنچا ہے، عوام سے اپیل ہے کہ وہ دل کھول کر سیلاب متاثرین کی امداد کریں تاکہ مشکل کی اس گھڑی میں متاثرہ خاندانوں کو سہارا دیا جا سکے۔