پاکستان مسلم لیگ(ن)کے صوبائی صدر اور سابق وزیر داخلہ رانا ثنا اللہ نے کہا ہے کہ عالمی دبا ﺅمسترد کرتے ہوئے نواز شریف نے ملک کو ایٹمی قوت بنایا، انہوں نے 5ارب ڈالر کی امریکی پیشکش ٹھکرا دی تھی،ملتان میں میڈیا سے گفتگو کرتے ہوئے رانا ثنا اللہ نے کہا کہ جنوبی پنجاب میں ہر سطح پر مسلم لیگ (ن)موجود ہے، مریم نواز نے پارٹی کے ورکرز کو بہت متحرک کیا ہے، اٹک سے لے کر راجن پور تک ہمارے عہدیدار اور کارکن موجود ہیں،رانا ثنا نے کہا کہ نواز شریف نے پاکستان کو پہلے بھی بحرانوں سے نکالا، 21اکتوبر کو نواز شریف کی قیادت میں پاکستان کو واپس2017والے ٹریک پر لے کر جائیں گے، موجودہ حالات میں عام آدمی کی زندگی بہت مشکلات میں ہے،انہوں نے کہا کہ بھارت کے ایٹمی دھماکوں کے بعد پاکستانی قوم پریشان تھی، نواز شریف نے ایٹمی دھماکے کرکے یہ خوف ختم کیا، ملک میں 20، 20گھنٹے کی لوڈ شیڈنگ نواز شریف نے ختم کی، ملک میں دہشتگردی تھی، اغوا برائے تاوان تھا، ن لیگ نے خود کو پیش کیا،رانا ثنا کا کہنا تھا کہ نواز شریف نے کہا میری جماعت پر اعتماد کریں، لوڈ شیڈنگ سے نجات دلاﺅں گا، 12سال بعد بھی نواز شریف نے ہی ملک کو سنبھالا۔
نواز شریف پاکستان کو واپس2017والے ٹریک پر لے کر جائیں گے، رانا ثنا اللہ
