امریکی صدر ٹرمپ نے بھارت کا دورہ منسوخ کر دیا

امریکی صدر ڈونلڈ ٹرمپ نے بھارت کا دورہ منسوخ کر دیا۔نیویارک ٹائمز کی رپورٹ کے مطابق ڈونلڈ ٹرمپ نے نومبر میں کواڈ اجلاس کیلئے بھارت جانا تھا، لیکن اب انہوں نے دورہ بھارت منسوخ کردیا ۔ وائٹ ہائوس نے تاحال امریکی صدر کے دورہ منسوخی سے متعلق کوئی تبصرہ نہیں کیا۔دوسری جانب جرمن اخبار نے انکشاف کیا ہے کہ امریکی صدر ڈونلڈ ٹرمپ نے حالیہ عرصے میں بھارتی وزیراعظم سے چار مرتبہ فون پر بات کرنے کی کوشش کی تاہم مودی نے ان کی کال نہیں اٹھائی۔اخبار فرینکفرٹ ر الگمائنے کی رپورٹ کے مطابق مودی کا یہ رویہ نئی دہلی کے شدید غصے اور احتیاط کو ظاہر کرتا ہے۔ یہ صورتحال اس وقت پیدا ہوئی جب ٹرمپ انتظامیہ نے بھارت پر 50 فیصد درآمدی ٹیرف عائد کیا جو برازیل کے بعد کسی بھی ملک پر سب سے زیادہ ہے۔ رپورٹ پر تبصرہ کرتے ہوئے امریکی تھنک ٹینک سے وابستہ صحافی مائیکل کوگلمین نے کہا کہ اگر یہ دعویٰ درست ہے تو اس کا مطلب ہے امریکا اور بھارت کے تعلقات کسی بحران سے گزر رہے ہیں اور دونوں رہنماں کا قریبی تعلق بھی متاثر ہوا ہے