روسی وزارت دفاع نے کہا ہے کہ اس کے فضائی دفاعی نظام نے 36 ڈرونز کو تباہ کر دیا ہے جنہیں یوکرین نے روس کے جنوب مغرب میں کئی علاقوں کو نشانہ بنانے کے لیے لانچ کیا تھا۔ روس کی وزارت دفاع نے میسیجنگ ایپ ٹیلی گرام پر بتایا کہ 15 ڈرون یوکرین کی سرحد سے متصل کرسک کے علاقے میں تباہ کیے گئے جبکہ نو کو لیپٹسک کے علاقے میں مار گرایا گیا، جو ماسکو سے کئی سو کلومیٹر جنوب میں واقع ہے۔بیان کے مطابق چار ڈرونز جنوب مغربی روس کے وورونز اور برائنسک کے علاقوں میں اور دو اوریول اور بیلگوروڈ کے علاقوں میں تباہ کیے گئے۔لیپٹسک اور برائنسک علاقوں کے گورنرز نے اپنے ٹیلی گرام چینلز پر کہا کہ حملوں کے نتیجے میں کوئی جانی نقصان نہیں ہوا اور نہ ہی کوئی بڑا نقصان ہوا۔
روس کا یوکرین سے لانچ کیے گئے 36 ڈرون مار گرانے کا دعویٰ
