مسلم لیگ (ن)کے مرکزی سینئر رہنما وسابق وفاقی وزیر تعلیم رانا تنویر حسین نے کہا ھے کہ نواز شریف ملکی ترقی و خوشحالی کا روڈ میپ لیکر وطن واپس آئے ہیں پاکستان کے طول و عرض سے پاکستان کی عوام نے جس طرح مینار پاکستان میں نواز شریف کا استقبال کیا ھے اس کی نظیر نہیں ملتی مسلم لیگ نواز کسی سیاسی جماعت کے ساتھ اتحاد نہیں کرے گی عوام کی طاقت سے دو تہائی اکثریت سے کامیاب ہو کر ترقی و خوشحالی کے دور کا آغاز کریں گے ان خیالات کا اظہار انہوں نے پاکستان مسلم لیگ نواز کے سینئر رہنما و امیدوار برائے صوبائی اسمبلی حلقہ پی پی 138حاجی طارق محمود ڈوگر کے ڈیرہ پر میڈیا کے نمائندوں سے گفتگو کرتے ہوئے کیا اس موقع پر سابق وفاقی پارلیمانی سیکرٹری سردار عرفان ڈوگر سابق ارکان صوبائی اسمبلی حاجی افتخار احمد بھنگو رانا محمود الحق شاہین سابق وائس چیئرمین ڈسڑکٹ کونسل خان جہانزیب خان امیدوار برائے صوبائی اسمبلی حلقہ پی پی 143چوہدری شہباز احمد چھینہ امیدوار برائے صوبائی اسمبلی چوہدری ارشد ورک چوہدری ندیم چوہان سمیت دیگر بھی موجود تھے سابق وفاقی وزیر تعلیم رانا تنویر حسین نے کہا کہ سائفر کیس کے علاہ اور بھی پی ٹی آئی کے چیئرمین پر سنگین نوعیت کے کیسز ھیں جن میں تمام شواہد موجود ھیں ان میں ان کو سزا ہونا باقی ھے، نواز شریف اور انکی کی بیٹی مریم نواز پر جھوٹے من گھڑت اور بے بنیاد مقدمات بنائے گئے جن میں مریم نواز باعزت بری ہوچکی ھیں اور اب نواز شریف سرخرو ہونگے نواز شریف پاکستان اور عوام کو موجودہ گرداب سے نکالنے کا ایجنڈا لیکر آ ئے ھیں ان کی وطن واپسی ٹھنڈی ہوا کا جھونکا ثابت ہوگا۔
نواز شریف ملکی ترقی و خوشحالی کا روڈ میپ لیکر وطن واپس آئے ہیں، رانا تنویر حسین
