نوازشریف عوام اور ملک کو مشکلات سے نکالنے آ رہے ہیں، مریم نواز

مسلم لیگ ن کی نائب صدر و چیف آرگنائزر مریم نواز نے کہا ہے کہ 21اکتوبر کو پاکستان کی خوش حالی واپس آ رہی ہے، نوازشریف عوام اور ملک کو مشکلات سے نکالنے آ رہے ہیں، 21اکتوبر کو پاکستان کے اچھے دِن واپس آ رہے ہیں، اِن شا اللہ 21اکتوبر کو مہنگائی میں کمی واپس آ رہی ہے، چیف آرگنائزر نون لیگ نے ان خیالات کا اظہار اقلیتی ونگ کے مشاورتی اجلاس کے دوران کیا، اجلاس میں مسیحی، سکھ اور ہندو برادری کے نمائندوں اور عہدیداروں نے شرکت کی،اجلاس سے خطاب کرتے ہوئے مریم نواز نے کہا کہ نوازشریف عوام اور ملک کو مشکلات سے نکالنے آ رہے ہیں، مریم نواز کا کہنا تھا کہ 2013 سے 2018 تک نوازشریف دور میں مہنگائی کنٹرول میں رہی، نوازشریف کو نکالا تو ملک سے ترقی اور خوش حالی بھی نکل گئی،انہوں نے کہا کہ نوازشریف کو اقتدار سے نکالا تو ملک سے امن و سکون بھی نکل گیا،مریم نواز ک نے کہا تحریکِ پاکستان میں اقلیتوں کا کردار ناقابلِ فراموش ہے، آج پاکستان کی اقلیتوں کے خوبصورت رنگ یہاں دیکھ کر بہت خوشی ہو رہی ہے، کوئی اقلیت کوئی اکثریت نہیں، ہم سب پاکستانی ہی،انہوں نے کہا کہ مسیحی برادری کو جس طرح گھروں سے باہر رہنا پڑا وہ ہم سب کے لیے انتہائی قابل افسوس اور باعث شرم ہے، سانحہ جڑانوالہ نے ہمارے سر شرم سے جھکا دیے، افسوس ہے کہ اتنی بڑی مسیحی برادری کو تحفظ نہیں دیا جا سکا، سانحہ جڑانوالہ پر مسیحی اور اقلیتی برادری کو جو تکلیف پہنچی اس پر پاکستانیوں کی طرف سے معذرت کرتی ہوں،انہوں نے کہا کہ قائد محمد نواز شریف نے اقلیتوں کے ساتھ ہمیشہ یک جہتی کی، نواز شریف کرسمس والے دن پیدا ہوئے، اقلیتوں کے احترام اور یک جہتی والا جذبہ لے کر بڑی ہوئی ہوں، ڈویژنل سطح پر اقلیتی ونگ کے کنونشز انتہائی متاثر کن اور قابلِ تعریف تھے، اقلیتیں 21اکتوبر کو بھرپور انداز میں قائد نواز شریف کا استقبال کریں گی،ان کا کہنا ہے کہ مینارِ پاکستان پر مل کر پاکستان کی ترقی کا عہد کریں گے، پاکستان کے نوجوانوں کو مذموم مقاصد کے لیے استعمال کیا گیا، آگ اور خون کی ندیاں بہائی گئیں، اللہ تعالی کے فضل سے تمام سازشی کردار اپنے انجام کو پہنچ چکے ہیں، سب کچھ بھلا کر پاکستان کی ترقی پر توجہ مرکوز کرنی ہے۔