پاکستان کے 4 مختلف علاقوں سے 10 ماحولیاتی نمونوں میں سب سے زیادہ خطرناک ٹائپ 1 پولیو وائرس کی تصدیق ہوئی ہے۔نیچرل انسٹی ٹیوٹ آف ہیلتھ (این آئی ایچ) کے ریجنل ریفرینس لیبارٹری نے دیامر، جنوبی وزیرستان، لاہور اور راولپنڈی سے 15 موحولیاتی نمونے حاصل کیے جن میں سے 10 نمونوں میں ٹائپ 1 پولیو وائرس کی تصدیق ہوئی جو سب سے خطرناک قسم سمجھی جاتی ہے۔علاوہ ازیں پولیو مہم کے حوالے سے این ای او سی کا کہنا تھا کہ پولیو مہم یکم ستمبر سے 7 ستمبر تک جاری رہے گی۔اس مہم میں 2 کروڑ 80 لاکھ بچوں کو قطرے پلائے جائیں گے جن کی عمریں 5 سال سے کم ہونگی۔ واضح رہے کہ یہ مہم 99 اضلاع میں شروع کی جائے گی۔ این ای او سی نے مہم کے حوالے سے والدین سے اپیل کی ہے کہ وہ اس مہم میں بھرپور تعاون کریں اور بچوں کی پولیو سے حفاظت کیلئے قچرے ضرور پلائیں۔
پاکستان کے 10 ماحولیاتی نمونوں میں سب سے خطرناک پولیو وائرس کی تصدیق
