ٹیکنالوجی کمپنی گوگل اپنے اینڈرائیڈ صارفین کے لیے فوٹوز ایپ میں ایک نیا فیچر متعارف کرانے جا رہی جس کو استعمال کرتے ہوئے وہ اپنی ویڈیوز کو جاندار لمحوں میں ڈھال سکیں گے۔
سنیمیٹک مومنٹ نامی اس فیچر کے متعلق یہ خیال کیا جارہا ہے کہ یہ بالکل سنیمیٹک فوٹوز کی طرح کام کرے گا لیکن یہ ویڈیوز کے لیے ہوگا۔
سنیمیٹک فوٹوز کے برعکس اس فیچر کے متعلق بتایا جا رہا ہے کہ یہ خودبخود ویڈیو کے ایک حصے کا انتخاب کرتا ہے اور اس پر سلو موشن افیکٹ کا اطلاق کر دیتا ہے جس سے سنیمیٹک احساس میں اضافہ ہوتا ہے۔
تاہم، صارفین کے پاس فی الحال اس عمل پر کوئی کنٹرول حاصل نہیں ہوگا۔ اگرچہ گوگل ممکنہ طور پر بعد میں یہ سہولت فیچر میں شامل کر سکتا ہے۔
واضح رہے کمپنی کی جانب سے فیچر کے اجراء کی تاریخ اور اس کے استعمال کے متعلق کوئی تفصیلات سامنے نہیں لائی گئیں ہیں۔
ٹیکنالوجی ماہرین کی جانب سے اس فیچر کی نشان دہی گوگل فوٹوز کے اے پی کے ٹیئر ڈاؤن کے 6.84.0.634885033 ورژن میں کی گئی۔
اے پی کے ٹیئر ڈاؤن دریافتیں عموماً وہ ہوتی ہیں جو اکثر تجرباتی مراحل میں ہوتی ہیں اور ان کا ممکنہ طور پر کسی ایپ کے حتمی ورژن کا حصہ ہونا ضروری نہیں ہوتا
