عروہ حسین اور فرحان سعید کے ہاں جلد ننھے مہمان کی آمد متوقع

 معروف خوبرو جوڑی اداکارہ و گلوکارہ عروہ حسین اور اداکار و گلوکار فرحان سعید کے ہاں جلد ننھے مہمان کی آمد متوقع ہے۔ اداکارہ عروہ حسین نے سوشل میڈیا انسٹاگرام پر اس خوشخبری سے متعلق ذکر کیا ہے۔ عروہ حسین نے شوہر فرحان سعید کے ہمراہ تصویر شیئر کرتے ہوئے بتایا ہے کہ آج کی رات ہم تین ہیں، ماشا اللہ۔ تصویر میں دیکھا جا سکتا ہے کہ اس ہر دلعزیز جوڑی نے میچنگ سیاہ رنگ کا لباس زیب تن کیا ہوا ہے اور دونوں نہایت خوشگوار موڈ میں نظر آ رہے ہیں۔ اس جوڑی کو اس پوسٹ کے کمنٹ باکس میں مداحوں اور ساتھی اداکاراﺅں ایمن خان‘ منال خان، صبور علی، ماورا حسین، متھیرا، زارا نور، کنزہ ہاشمی، یشمی گِل، سارہ خان، نادیہ حسین اور صدف کنول کی طرف سے مبارکبادیں دی جارہی ہیں۔