صیہونی فورسز نے غزہ میں ہزاروں بے گناہ فلسطینیوں کو قتل کرنے کے بعد رفح شہر پر بھی فضائی حملےشروع کر دیے ہیں،عرب میڈیا کے مطابق فلسطینی وزارت صحت نے پیر کے روز بتایا کہ اسرائیلی کارروائیوں میں کم سے کم 70افراد شہید جبکہ درجنوںکے زخمی ہونے کی اطلاعات ہیں،دوسری جانب مرکز اطلاعات فلسطین نے سوشل میڈیا اکاﺅنٹ پر اطلاع دی ہے کہ مرنے والوں میں زیادہ تعداد بچوں اور خواتین کی ہے، جبکہ اسرائیل نے رفح کے مختلف علاقوں میں دو مساجد سمیت متعدد گھروں کو نشانہ بنایا ہے،اسرائیلی حملوں میں زخمی ہونے والے دسیوں زخمی ملبے تلے دبے ہوئے ہیں، ادھر اسرائیلی فوج نے دعوی کیا ہے کہ رفح آپریشن میں حماس کے پاس یرغمال دو اسرائیلی قیدیوں کو بھی رہا کروا لیا گیا ہے جن کی صحت اچھی بتائی جاتی ہے، اوراب ہسپتال معائنے کے لیے منتقل کر دیا گیا ہے،رہا کروائے یرغمالیوں کی شناخت 70سالہ لویس ہر اور 60سالہ فرنانڈو مرمان کے طور پر کرائی گئی ہے، رفح شہر میں شدید بمباری سے علاقے میں بہت خوف و ہراس پھیل گیا کیونکہ حملے شروع ہونے کے وقت بہت سے لوگ سو رہے تھے،رفح پر حملے سے قبل امدادی اداروں نے خبردار کیا تھا کہ ” یہ تباہ کن ہوگا” ، یہ اسرائیلی جارحیت سے تباہ ہونے والے علاقے میں آخری نسبتا محفوظ جگہ ہے۔
اسرائیلی فوج کے رفح پرحملے، بچوں اورخواتین سمیت 70شہری شہید، درجنوں زخمی
