بلڈ پریشر کی دوا کس وقت لینا زیادہ موثر ہوتا ہے؟

حالیہ تحقیق سے یہ بات سامنے آئی ہے کہ بلڈ پریشر کی دوا رات کو سونے سے پہلے لینا مریضوں کے لیے زیادہ مؤثر ثابت ہو سکتی ہے۔ماہرین کے مطابق رات کے وقت دوا لینے سے پورے 24 گھنٹوں تک، خصوصاً صبح کے وقت، بلڈ پریشر کنٹرول میں رہتا ہے۔ یہ اہم ہے کیونکہ صبح کے وقت بلڈ پریشر اچانک بڑھنے کا امکان زیادہ ہوتا ہے، جو ہارٹ اٹیک یا اسٹروک کا سبب بن سکتا ہے۔بعض مطالعے ظاہر کرتے ہیں کہ رات کو دوا لینے سے نیند پر بھی مثبت اثر پڑ سکتا ہے خاص طور پر جب دوا میں ہلکا سا پرسکون اثر (sedative effect) بھی ہو۔2019 میں شائع ہونے والی ایک تحقیق کے مطابق جو لوگ اپنی بلڈ پریشر کی دوا رات کو لیتے ہیں، ان میں ہارٹ اٹیک، اسٹروک اور دل کی دیگر بیماریوں کا خطرہ نمایاں طور پر کم ہو جاتا ہے۔مزید برآں یہ طریقہ زیادہ تر کیلشیئم چینل بلاکرز اے آر بیز، اے سی ای انہیبیٹرز اور بعض پیشاب آور ادویات کے ساتھ مؤثر پایا گیا ہے۔