دھوکے سے دوسری شادی کرنا معاشرے میں معمول بن چکا، حریم فاروق

معروف اداکارہ حریم فاروق نے کہا ہے کہ ہمارے معاشرے میں دھوکے سے دوسری شادی کرنا معمول بن چکا۔حال ہی میں دیے گئے انٹرویو میں ایک سوال پر ان کا کہنا تھا کہ ہمارے معاشرے میں تقریبا ہر دوسرے گھر میں دوسری شادی جیسے مسائل موجود ہیں۔حریم فاروق کے مطابق مذہب اسلام میں دوسری شادی کی اجازت ہے، دوسری شادی سے کوئی کسی کو نہیں روک سکتا لیکن دھوکا دے کر شادی کرنا معمول بن چکا۔ان کے مطابق معاشرے میں بھی یہی ہو رہا ہے مرد دھوکے سے دوسری شادی کرتے ہیں، جس کے اثرات پورے خاندان پر پڑتے ہیں، ایسی شادیاں معمول بن چکیں اور ہر دوسرے گھر میں یہی کہانی چل رہی ہے۔