سکردو(چیف رپورٹر)یولتر ہائی وے کی میٹلنگ کے منصوبے کا افتتاح ہوگیا ایم ڈبلیو ایم کے صوبائی صدر سید علی رضوی اپوزیشن لیڈر کاظم میثم محکمہ تعمیرات عامہ کے ایکسیئن یاور عباس اور دیگر عمائدین نے فیتہ کاٹ کر منصوبے کا باقاعدہ افتتاح کیا اس موقع پر بڑی تعداد میں لوگ موجود تھے یولتر ہائی وے پچیس سال قبل سابق رکن اسمبلی سید عباس رضوی کے دور حکومت میں بنا اس کے بعد سے اب تک اس اہم شاہراہ کے اوپر کسی نے بھی ایک اینٹ رکھنے کی زحمت نہ کی روڈ کی عدم میٹلنگ کی وجہ سے بڑی مشکلات کا سامنا کرنا پڑرہا تھا مگر علاقے کے منتخب نمائندے صوبائی اسمبلی میں قائد حزب اختلاف محمد کاظم میثم نے روڈ کو میٹل کرنے کا بیڑہ اٹھایا اور منصوبے کیلئے ساڑھے پندرہ کروڑ روپے مختص کئے یولتر ہائی وے کی میٹلنگ سے جہاں یولتر کے عوام کو فائدہ ہوگا وہیں یہ سکردو شہر کیلئے متبادل شاہراہ بھی ہوگی شاہراہ بلتستان کسی وجہ سے بند ہونے کی صورت میں لوگ سکردو شہر جانے کیلئے یولتر ہائی وے کا استعمال کرسکیں گے اپوزیشن لیڈر کاظم میثم نے کہاہیکہ یولتر ہائی وے کی میٹلنگ سے سکردو شہر کی خوبصورتی میں بڑا اضافہ ہوگا علاقے میں تعمیر ترقی کی نئی راہیں کھلیں گی انشا اللہ منصوبے کی تکمیل سے علاقے میں معاشی انقلاب برپا ہوگا سید علی رضوی نے کہاکہ یولتر ہائی وے کی میٹلنگ عوام کا دیرینہ مطالبہ تھا جسے پورا کردیا گیا شاہراہ کی تعمیر سے علاقے کے لوگوں کو بڑا ریلیف ملے گا محکمہ تعمیرات عامہ کے ایکسیئن یاور عباس نے کہاکہ یولتر ہائی وے کی میٹلنگ پیور مشین سے کی جارہی ہے سردی کا کوئی مسئلہ نہیں ہے جدید مشینری آنے کے بعد تارکول بچھانے کیلئے سیزن کا انتخاب نہیں کیا جاتا منصوبہ ایک ہفتے میں مکمل کرلیا جائے گا عوام مطمئن رہیں ان کیلئے اچھی شاہراہ ملے گی۔
