سکردو (محمد اسحاق جلال) گورنر گلگت بلتستان سید مہدی شاہ نے حکومت اور اپوزیشن کے درمیان اسلام آباد میں ہونے والی بیٹھک کو خوش آئند قرار دیتے ہوئے فریقین کے اس عمل /کردار کو سراہا ہے اور کہا ہے کہ جب تک حکومت اور اپوزیشن مل کر جدوجہد نہیں کریں گی تب تک علاقے میں پائیدار ترقی کا خواب شرمندہ تعبیر نہیں ہوگا اپوزیشن نے حکومت کی دعوت پر وزیراعلی اور دیگر حکومتی ذمہ داران سے ملاقات کرکے سیاسی بردباری کا مظاہرہ کیا ہے حکومت اور اپوزیشن کے مابین بیٹھک اور سیاسی رابطہ وقت کا تقاضا بھی تھا کیونکہ محاذ آرائی سے خطے کو بہت نقصان ہورہا تھا اب دونوں میں سیز فائر ہونے سے علاقے میں غیر یقینی کی صورتحال ختم ہوگی اور باہمی تعاون سے مسائل کا حل تلاش کیا جاسکتا سیاست میں دشمنی نہیں ہوتی ہے تنقید ہونی چاہیئے مگر مسائل کا حل بھی پیش کیا جانا چاہیئے کے پی این کو انٹرویو دیتے ہوئے انہوں نے کہاکہ ہمارا خطہ بہت ہی محدود ہے یہاں ہم کب تک لڑیں گے لڑائی کے بعد بھی میز پر ہی آنا ہوتا ہے مسائل کا حل میز پر ہی ہوتا ہے لڑتے رہیں گے تو نقصان ہی ہوگا بڑی سیاسی بیٹھک کو ہر طرف سے سراہا جارہا ہے اور ایسا ہونا بھی چاہیئے مسائل کی جتنی ذمہ دار حکومت ہے اتنی ہی ذمہ دار اپوزیشن ہے علاقے کی ترقی کیلئے دونوں لازم و ملزوم ہیں دورریاں ختم کرنا وقت کی اہم ترین ضرورت ہے خلیج بڑھے گی تو نقصان سب کا ہوگا ترقی کا عمل جمود کا شکار ہوگا اپوزیشن مسائل کی مثبت انداز میں نشاندہی کرے حکومت اپوزیشن کی جائز ڈیمانڈ کو پورا کرنا چاہیئے اس طرح علاقے میں پائیدار ترقی کا سفر جاری رہ سکتا ہے انہوں نے کہاکہ رابطوں کا فقدان کسی بھی صورت میں نہیں ہونا چاہیئے رابطوں کے فقدان کی وجہ سے بانی پی ٹی آئی عمران خان ابھی تک جیل میں ہیں سیاسی رابطے ہوتے تو بانی پی ٹی آئی جیل سے باہر آچکے ہوتے سیاسی جماعتوں کے مابین رابطے ہونے چاہیں سیاسی ڈائیلاگ رابطے ملاقاتیں جمہوریت کا حسن ہیں انہوں نے کہاکہ الیکشن وقت پر ہونے چاہیں کسی قسم کی کوئی جلد بازی نہیں ہونی چاہیئے موجودہ اسمبلی کو پانچ سال کی مدت پوری کرنے دینی چاہیئے قبل از وقت الیکشن کی باتیں مناسب نہیں ہیں سیلف گورننس آرڈر میں ترمیم کے ذریعے قبل از وقت الیکشن کیا کل ہی اسمبلی تحلیل بھی کی جاسکتی ہے مگر اس سے غلط روایت قائم ہوگی پھر آئندہ آنے والا ہر کوئی قبل از وقت اپنی مرضی سے الیکشن چاہے گا پانچ ماہ الیکشن تاخیر سے ہونگے تو کوئی قیامت نہیں آئے گی جمہوری اور سیاسی اقدار کا خیال رکھا جانا چاہیئے سیلف گورننس آرڈر میں ترمیم کے ذریعے قبل از وقت الیکشن کرانے کی باتیں غیر مناسب ہیں لہذا ایسی باتوں سے اجتناب کیا جائے تو ہی بہتر ہے ہم علاقے میں جمہوری اور سیاسی اقدار کا تحفظ چاہتے ہیں چاہتے ہیں کہ اسمبلی اپنی پانچ سالہ مدت پوری کرے پھر نئے الیکشن کی طرف جائیں۔
