سلام آباد(محمد اسحاق جلال)شاہراہ بلتستان پر ٹنلز اور حفاظتی شیڈز بنانے کے ساتھ ساتھ گلگت بلتستان میں باہر سے آنے والے سیاحوں سے ٹول ٹیکس کی وصولی کا فیصلہ کرلیا گیا تاہم مقامی لوگ ٹول ٹیکس سے مستثنی ہونگے ٹول ٹیکس کی وصولی سے صوبائی حکومت کو علاقے کی شاہراہوں کی تعمیر و مرمت کیلئے وفاق پر تکیہ کرنے کی ضرورت اب نہیں پڑے گی اور شاہراہوں کی تزئین و آرائش کیلئے مقامی سطح آمدن کا بندوبست ہوگا اس سے علاقے کو خوبصورت بنانے اور شاہراہوں کی تعمیر و مرمت فوری کرنے میں مدد ملے گی شاہراہ بلتستان پر ٹنلز اور حفاظتی شیڈز بنانے اور علاقے میں داخل ہونے والے غیر سیاحوں سے ٹول ٹیکس کی وصولی کا فیصلہ اسلام آباد میں وفاقی وزیر مواصلات عبدالعلیم خان کے ساتھ وزیراعلی حاجی گلبرخان اور صوبائی وزیر خزانہ انجینئر اسماعیل کی ہونے والی ملاقات میں کیا گیا اس موقع پر چیئرمین این ایچ اے شہریار سلطان اور سکرٹری مواصلات بھی تھے وزیر اعلی حاجی گلبرخان اور وزیر خزانہ انجینئر اسماعیل نے شاہراہ بلتستان اور دیگر ایشوز سے متعلق وفاقی وزیر مواصلات عبدالعلیم خان چیئرمین این ایچ اے شہریار سلطان اور سکریٹری مواصلات کو آگاہ کیا اور ان کے حل کیلئے حکمت عملی بنانے کی درخواست کی ملاقات کے دوران گفتگو کرتے ہوئے وفاقی وزیر مواصلات عبدالعلیم خان نے کہاہے کہ شاہراہ بلتستان کو حادثات سے محفوظ بنانے کی ہر ممکن کوشش کی جارہی ہے دو مقامات پر ٹنلز بنائی جارہی ہیں باقی سات مقامات پر حفاظتی شیڈز بنائے جائیں گے حفاظتی دیوار بھی کھڑی ہوگی منصوبے پر تقریبا 15 ارب روپے خرچ ہونگے منصوبہ این ایچ اے سے منظور ہونے کے بعد ایکنک میں بھیج دیا گیا ہے منصوبے پر جلد کام شروع کرنے کی کوشش کریں گے تاکہ شاہراہ کو حادثات سے محفوظ بنایا جاسکے انہوں نے کہاکہ شاہراہِ بلتستان کو حادثات سے محفوظ رکھنے کیلئے ہر ممکن اقدامات اٹھائے جارہے ہیں ٹنلز اور حفاظتی شیڈز بنائے جائیں گے حفاظتی دیوار بھی کھڑی ہوگی کوشش ہوگی کہ شاہراہ بلتستان کو محفوظ بنایا جائے انہوں نے کہاکہ شاہراہ بلتستان کے نو خطرناک مقامات کو محفوظ بنایا جارہا ہے ان میں سے دو مقامات پر ٹنلز بنائی جائیں گی باقی سات مقامات پر حفاظتی شیڈز بنائیں گے جہاں ضرورت ہوگی پہاڑ کو کاٹا جائے گا اور حفاظتی دیواریں بھی تعمیر کی جائیں گی ملوپہ اور شاٹوٹ کے مقام پر ٹنلز بنیں گی باقی سات جگہوں پر شیڈز بنائے جاہیں گے ادھر کے پی این سے گفتگو کرتے ہوئے صوبائی وزیر خزانہ انجینئر اسماعیل نے کہاہیکہ وفاقی وزیر مواصلات عبدالعلیم خان سے ملاقات بہت مفید رہی ہم نے کھل کر اپنے مسائل ان کے سامنے رکھے شاہراہ بلتستان کو حادثات سے محفوظ بنایا جائے گا کئی مقامات پر ٹنلز اور حفاظتی شیڈز بنائے جارہے ہیں منصوبے پر پندرہ ارب روپے خرچ ہونگے انہوں نے کہاکہ وفاقی وزیر مواصلات سے ملاقات کا دوسرا بڑا فائدہ یہ ہوا کہ ہمیں ترقیاتی بجٹ کی مدمیں بارہ ارب روپے کی ملیں گے۔
